კვება და აღდგენა ვარჯიშის შემდეგ

ვარჯიშის შედეგი მხოლოდ მოედანზე არ იქმნება. ის, რასაც ვარჯიშის შემდეგ აკეთებ, განსაზღვრავს, რამდენად სწრაფად აღდგები შემდეგი დატვირთვისთვის.

წყალი

დალიე წყალი ვარჯიშამდე, ვარჯიშის დროს და მის შემდეგ. ცხელ ამინდში სითხე უფრო სწრაფად იკარგება.

საკვები ვარჯიშის შემდეგ

ვარჯიშიდან მალე მიირთვი ნახშირწყლებისა და ცილების შემცველი საკვები, მაგალითად, ბრინჯი, ქათამი, კვერცხი, იოგურტი ან ხილი. რეგულარული და მრავალფეროვანი კვება ნებისმიერ „სასწაულ“ პროდუქტზე მნიშვნელოვანია.

ძილი

აღდგენის ყველაზე მძლავრი საშუალება ძილია. ახალგაზრდა სპორტსმენებს ზრდასრულებზე მეტი ძილი სჭირდებათ.

აქტიური დასვენება

მსუბუქი სირბილი, გაწელვა ან ცურვა დასვენების დღეს კუნთებს აღდგენაში ეხმარება.

ინდივიდუალური კვების გეგმისთვის მიმართე სპეციალისტს. ScoutPro-ზე სპორტული კვების სპეციალისტებს „სპორტული მედიცინის“ კატეგორიაში იპოვი. ეს სტატია ზოგადი რჩევებია.